İspaniyanın Kataloniya əyalətində erkən seçkilərin elan edilməsi qərarını əyalət əhalisi böyük sevinclə qarşılayıb.
Avropa.info xəbər verir ki, yeni referendumu artıq Kataloniyanın İspaniyadan müstəqilliyini elan etməsi kimi qiymətləndirirlər. Əyalətin hökumət başçısı Artur Mas paralmenti buraxıb və yeni seçki təyin edib. Növbəti seçki 27 sentyabrda keçiriləcək. Seçkini müstəqillik tərəfdarları qazanarsa, İspaniyadan ayrılma prosesinə start veriləcək. Yeni parlament, yeni konstitusiya qəbul olunacaq. 2017-ci ildə suverenlik haqda referendum keçiriləcək.
İspaniya baş naziri Mariano Raxoy isə deyib ki, ölkənin bölünməsinə imkan verməyəcək.
