“Döyüş çətin keçdi, çünki mən rəqibi tanımırdım. Allaha şükür ki, çətin də olsa, qalib gəldim və inşallah, finalda himnimizi səsləndirəcəyəm".
Trend-in məlumatına görə, bunu jurnalistlərə britaniyalı rəqibinə qalib gələrək finala vəsiqə qazanan boksçumuz Pərviz Bağırov deyib.
P.Bağırov finaldakı rəqibi ilə indiyə qədər qarşılaşmadığını desə də, qələbə qazanacağına inandığını bildirib: "Finaldakı rəqibimi tanıyıram - Avropa çempionudur və təcrübəli idmançıdır. Ancaq ümid edirəm ki, mən ona qalib gələcəyəm".
Boksçumuz rəqibindən daha sürətli olduğunu bildirib: "Mən ondan sürətli və taktikalıyam. Zədə almışam, ancaq nə qədər ciddi olsa da, rinqə çıxıb vuruşmalıyıq. Düşünürəm ki, bir problem olmaz".
