Cənubi azərbaycanlı iş adamı Rza Zərrabın avtomobilini təpikləyən 3 qardaş haqqında qaldırdığı məhkəmə iddiası İranda səhv başa düşülüb.
Axşam.az-ın Türkiyə mətbuatına istinadən məlumatına görə, İranın dövlət televiziyası da daxil olmaqla, bir çox KİV 5 illik həbs iddiasının R.Zərrab haqqında irəli sürüldüyünü zənn edib. Bu səbəbdən “Şark” qəzeti başda olmaqla media orqanlarının manşetində Rza Zərrabın 5 ilədək həbsinin gözlənildiyi xəbərləri yer alıb. Xəbərin səhv olduğu aşkara çıxdıqdan sonra “Şark” oxucularından üzr istəyərək informasiyanın səhv tərcümə nəticəsində bu cür yayıldığını qeyd edib.
