Rusiya Türkiyənin hava məkanını pozmaqla faktiki olaraq NATO ölkəsinə qarşı müharibəni alovlandırır.
Axar.az xəbər verir ki, bunu Ukrayna mətbuatına müsahibəsində rusiyalı jurnalist Aleksandr Sotnik söyləyib. Onun sözlərinə görə, Rusiyanın təxribatları bundan sonra da davam edəcək:
“Türkiyə günlərin birində daha bir rus təyyarəsini vuracaq. Moskva isə bunun əvəzində Ankaraya qarşı müharibə elan edəcək. Bundan sonra hökumət ölkədəki vəziyyətin pisləşməsinə əsil səbəbin məhz müharibə olduğunu söyləyəcək. Daha sonra isə daxildə rejim əleyhdarlarının ovu başlayacaq. Bir sözlə, çekistlər rahatlıqla hakimiyyətdən getməyəcəklər”.
