Qırğızıstan Xarici İşlər Nazirliyinin yaydığı məlumata görə, yanvarın 30-dan 31-nə keçən gecə Moskvada tikiş sexində baş verən yanğın nəticəsində həlak olan 12 nəfərin 8-i Qırğızıstan vətəndaşıdır. Məlumatda deyilir ki, həlak olanlar arasında iki bacı, iki qardaş, bir qadın və onun azyaşlı uşağı da var.
Qeyd olunur ki, tikiş sexində işləyən miqrantlar elə orada da yaşayırdılar.
Xarici İşlər Nazirliyi bildirir ki, faktla bağlı Moskvada cinayət işi başlanıb, istintaq aparılır.
