Taliban Əfqanıstanın cənubundakı Helmand vilayətində strateji rayonu nəzarətinə alıb.
Helmand valisinin müavini Mohammad Jan Rasoolyar dekabrın 21-də deyib ki, bir neçə günlük döyüşlərdən sonra Sangin rayonu yaraqlıların əlinə keçib.
Rasoolyar deyir ki, ərazidəki ordu obyektləri yaraqlıların əlinə keçməyib. Döyüşlər davam edir.
Dekabrın 19-da Rasoolyar facebook vasitəsilə Prezident Ashraf Ghani-yə xəbərdarlıq edib ki, mərkəzi hakimiyyət kömək etməsə, Helmand təhlükədədir. O, son bir ayda 90-dan artıq təhlükəsizlik qüvvəsinin həlak olduğunu bildirib.
Helmand Talibanın mühüm bazası sayılır, dünya tiryəkinin böyük hissəsi burda istehsal olunur.
Ötən il ABŞ-ın rəhbərlik etdiyi koalisiya Əfqanıstanda missiyasını rəsmən bitirəndən sonra ölkədə zorakılıq artıb.
