Dəfələrlə ünvanlı sosial yardım ala bilməyənlərin intihar etməsi və ya sakinlərin üsyana qalxması kimi hallarıla rastlaşmışıq.Bu dəfə isə Biləsuvar rayon sakinləri etiraz edənlərdən oldular. Belə ki, Biləsuvar rayon sakinlərinin redaksiyamıza göndərdiyi şikayət məktubu əsasında əməkdaşlarımız rayona çəkilişə yollandılar. Şikayətçilər BTV-yə deyir ki, aylardır bizi bu qapılarda süründürürlər. Hər dəfə də eyni sözlər - “get,gələrsən”. Çox get-gəl salandan sonra isə sonda heç bir sosial yardım verilmir. Kimsə etiraz edəndə də “gedin hara şikayət edirsiniz, edin” deyirlər. Hər halda ümid edək ki, sakinlərin narazılığına səbəb olan bu problem kiminsə özünü yandırması bahasına başa gəlməz. Ümid edək...
