ABŞ-ın Azərbaycandakı səfiri Robert Sekuta və səfir müavini Derek Hoqan ölkələrindəki irqi zəmində yaranmış gərginlik və polis zorakılığı mövzusunda söhbətə başlamağa hazırdırlar.
Virtualaz.org bildirir ki, bu barədə səfiriyin rəsmi internet səhifəsində məlumat verilib. Məlumatda deyilir:
-Feysbukdakı dostlarımızı salamlayırıq... Öncə artıq aldığımızı sualları cavablandıracağıq və söhbət əsnasında aldığımız suallara cavab verməyə çalışacağıq. Söhbətimiz vaxtı ərzində cavab verə bilmədiyimiz sualları sonra cavablandıraraq səhifəmizdə yerləşdirəcəyik.
Virtualaz.org onu da xatırladır ki, son günlər ABŞ-ın Boston, Ferqüsson, Missuri, Vaşinqton, Denver və Siettle şəhərlərində etiraz aksiyaları keçirilib.
Etiraz aksiyaları bir neçə gün öncə Baltimor şəhərində polis tərəfindən güllələnən Freddi Qreyin ölümü ilə əlaqədar təşkil olunur.
