Bakıda oğurluq hadisəsi baş verib.
Axar.az Daxili İşlər Nazirliyinin rəsmi saytına istinadən xəbər verir ki, mayın 3-də saat 06.00-da H.Əliyev Beynəlxalq Hava Limanının ərazisindən Bakı sakini Tamilla Alverdiyevaya məxsus “Leksus” markalı avtomobil tanışı, Bakı sakini Turan Məmmədli tərəfindən qaçırılıb.
Avtomobil DİN-in Təhlükəsiz Şəhər Xidmətinin əməkdaşları tərəfindən Binəqədi rayonunun ərazisində hərəkətdə olarkən aşkar edilib və Binəqədi RPİ 7-ci PB-nin əməkdaşları tərəfindən saxlanılıb. Avtomobildə olan 2 nəfərdən 1-i qaçıb, digəri isə - Bakı sakini Habil Quliyev tutulub.
H.Quliyev izahatında avtomobildə olan digər şəxsin bacısı oğlu Turan Məmmədli olduğunu bildirib.
Faktla bağlı Nəqliyyatda Baş Polis İdarəsi tərəfindən araşdırma aparılır.
